मूकबधिर विद्यार्थ्यांचा क्रीडा स्पर्धेत उत्स्फूर्त सहभाग
खेळाडूंचा गौरव...
क्रिकेट सामन्यात दोन गटात स्पर्धा झाली. यात विश्वजित देशमुख, प्रवीण शिरगिरे, अमोल सूर्यवंशी, नवाजोद्दीन शेख, आदित्य जगताप यांना उत्कृष्ट गोलंदाज, फलंदाज व सामनावीराचा पुरस्कार अनुक्रमे देण्यात आला.
लातूर: रोटरी क्लब लातूरच्या वतीने मूकबधिर विद्यार्थ्यांसाठी विविध क्रीडा स्पर्धांसह चित्रकला स्पर्धा घेण्यात आली. या स्पर्धेचा आनंद मूकबधिर विद्यार्थ्यांनी घेतला असून, त्यामुळे त्यांच्या कौशल्याला चालना मिळाली आहे. रोटरी क्लब लातूरच्या वतीने ऍड विजयगोपाल अग्रवाल मूकबधिर विद्यालयात क्रिकेट, बुद्धिबळ, कॅरम स्पर्धा घेण्यात आली. यात मूकबधिर विद्यार्थ्यांनी उत्स्फूर्त सहभाग नोंदविला. यात रितेश माने, अमोल सूर्यवंशी, अभिषेक देशपांडे, कृष्णा धोत्रे, प्रवीण शिरगिरे, विश्वजीत देशमुख, नवनाथ पुरी, अमित वाघमारे, अमोल सूर्यवंशी, सद्दिकी हत्तद, अश्विन पाटील यांनी यश मिळविले.
विजेत्यांना रोटरी क्लबचे अध्यक्ष नानिकभाई जोधवानी, सचिव ऍड जांबुवंतराव सोनकवडे, प्रकल्प संचालक संजय निलेगावकर यांच्या हस्ते चषक व प्रमाणपत्र देऊन गौरविण्यात आले. यावेळी महेंद्र जोशी, राजकुमार गिरवलकर, उमाकांत पेन्सलवार, राघवेंद्र इटकर,विक्रमसिंग जाधव, नागनाथ कलवले, पी.व्ही. कुलकर्णी, मुख्याध्यापक गौतम जोगदंड यांची उपस्थिती होती. यशस्वितेसाठी प्रशांत कुलकर्णी, महेश पाळणे, नंदकुमार थडकर, नामदेव भालेकर, अविनाश रामढवे, सचिन बिरादार, जयलाल गायकवाड यांनी परिश्रम घेतले.
0 Comments