मेस दरवाढ विरोधात विद्यार्थ्यांचा एल्गार

मेस दरवाढ विरोधात विद्यार्थ्यांचा एल्गार

लातूर: शिक्षणाचे पॅटर्न म्हणून राज्यभरात ओळखला जातो. त्यामुळे लातूरमध्ये मोठ्या प्रमाणात विद्यार्थी शिक्षणासाठी येत असतात. यामुळे लातूरच्या आर्थकरणाला गती मिळाली आहे. मात्र मेस चालकांनी अचानक ५०० ते ६०० रूपयांनी दर वाढल्याने  विद्यार्थ्यांना ते परवडत नाहीए. यामुळे विद्यार्थ्यां आक्रमक झाले आहेत. शहरातील दयानंद कॉलेज समोर जवळपास २ हजार विद्यार्थी आज एकत्र आले. त्यांनी रस्त्यावर उतरून घोषणाबाजी सुरू केली. प्रशासनाला याची कोणतीच माहीती नसल्याने प्रशासनाची अचानक पळापळ सुरू झाली. 

हा विद्यार्थ्यांचा मोर्चा तहसीलदार कार्यालयावर आला. मोर्चेकरी आक्रमक झाल्याने मोठ्या प्रमाणात शहरातील पोलीसांचा फौजफाटा बोलावण्यात आला. हे पाहून विद्यार्थ्यांनी त्या ठिकाणाहून पळ काढला. त्यानंतर पोलिसांनी आठ ते दहा विद्यार्थ्यांची तहसील कार्यालयातच चौकशी सुरू केली आहे. घटनास्थळी पोलिस अधीक्षक निखिल पिगळे यांच्यासह प्रशासन या घटनेवर लक्ष ठेवून आहेत. दरम्यान, तहसील कार्यालयामध्ये तहसीलदार, पोलीस अधीक्षक, जिल्हाधिकारी पोहोचले. विद्यार्थ्यांच्या शिष्टमंडळासोबत चर्चा करून त्यांची अडचण अधिकाऱ्यांनी समजून घेतली आणि शहरातील मेस (खानावळ) चालक संघटनेला बोलावून घेत भोजन दर कमी करण्याच्या सूचना केल्या. मात्र वाढत्या महागाईमुळे दर वाढविण्यात आले असल्याचे संघटनेच्या वतीने सांगण्यात आले. अखेर सामोपचाराने प्रश्न मिटवत दर कमी करण्याचे संघटनेने मान्य केले. शिवाय आज सकाळपासून बंद असलेल्या मेस सुरू करण्यासही होकार दिला. दरम्यान, चारपर्यंत मेस सुरू झालेल्या नव्हत्या.

असे आहेत मेसचे दर...

मासिक दर - २ हजार ४०० रुपये

एक वेळासाठी - १ हजार ५०० रुपये

राईस प्लेट - ८० रुपये

चपाती भाजी प्लेट - ७० रुपये

वरण भात - ५० रुपये

कोणतीही भाजी - ३० रुपये

राईस - ३० रुपये

एक चपाती - १० रुपये

मुलींसाठी मेस महिना - २ हजार रुपये