भादा-औसा परिसरात भूकंपाची कोणतीही अधिकृत नोंद नाही

भादा-औसा परिसरात भूकंपाची कोणतीही अधिकृत नोंद नाही

लातूर : आज दिनांक 20.03.2026 रोजी भादा व औसा परिसरात भूगर्भातून आवाज आल्याची माहिती स्थानिक प्रशासनास प्राप्त झाली होती.

सदर घटनेची माहिती जिल्हा प्रशासनामार्फत तात्काळ National Center for Seismology (NCS), नवी दिल्ली यांच्याकडे पडताळणीसाठी पाठविण्यात आली. त्यांच्या तपासणीनुसार भादा-औसा परिसरात भूकंपाची कोणतीही अधिकृत नोंद झालेली नसल्याचे कळविण्यात आले आहे. त्यामुळे सदरील घटना भूगर्भातील नैसर्गिक हालचालींमुळे निर्माण होणाऱ्या आवाजाचा प्रकार असण्याची शक्यता आहे. जिल्हा प्रशासनामार्फत नागरिकांना आवाहन करण्यात येते की, अफवांवर विश्वास ठेवू नये, घाबरून जाऊ नये व प्रशासनाकडून देण्यात येणाऱ्या अधिकृत सूचनांचे पालन करावे.

_जिल्हा प्रशासन लातूर