भादा प्राथमिक आरोग्य केंद्रात कोरोना प्रतिबंधक लसिकरणास सुरूवात

भादा प्राथमिक आरोग्य केंद्रात कोरोना प्रतिबंधक लसिकरणास सुरूवात

 

भाद्यातील  माजी सरपंच व ह.भ.प. रेवण  पाटील  यांनी घेतली  पहिली लस

भादा:औसा तालुक्यातील भादा येथील प्राथमिक आरोग्य केंद्रात आज कोरोना प्रतिबंधक लस नागरीकांना देण्यास सुरूवात करण्यात आली.  भाद्याचे माजी सरपंच व ह.भ.प. रेवण पाटील  हे हि लस घेणारे  भाद्यातील पहिले व्यक्ती ठरले. आज ८ मार्च या जागतिक महिला दिनी येथील प्राथमिक आरोग्य केंद्रात कोरोना प्रतिबंधक लस नागरीकांना देण्यास  सुरूवात झाली. यावेळी वैद्यकिय अधिकारी  डॉ. रेड्डी ,  गावचे उपसरपंच बालाजी शिंदे, आरोग्य सहाय्यक हिप्परगेकर, आरोग्य सेविका  दुरुगकर मँडम, सुर्यवंशी सर, जोशी मँडम, यांची उपस्थिती होती. हि लस घेण्यासाठी दवाखाण्यात जाताना संबंधीत व्यक्तीना सोबत आपले आधारकार्ड ,किंवा  पँनकार्ड , किंवा मतदान ओळखपत्र, सोबत घेवुन जावे लागेल. आज येथील आरोग्य केंद्रात साठ वर्षे वयाच्या व त्यापेक्षा अधिक वय असणा-यांना हि लस देण्यात आली. गावातील नागरीकांनी आपली व परिवाराची काळजी घ्यावी व  सुरक्षिततेचे नियम पाळावे व प्राथमीक आरोग्य केंद्रातील डॉक्टरांच्या सल्ल्याने हि लस घ्यावी असे आवाहन उपसरपंच बालाजी शिंदे यांनी नागरीकांना केले आहे.