नाशिकमधील पोलीस निरीक्षक राजेंद्र धर्मा उशिरे यांना पोलीस महासंचालकांचे सन्मानचिन्ह

नाशिकमधील पोलीस निरीक्षक राजेंद्र धर्मा उशिरे यांना पोलीस महासंचालकांचे सन्मानचिन्ह

गुन्हे अन्वेषण प्रशिक्षण विद्यालयात उत्कृष्ट तपास व शिक्षणाच्या कार्याला मिळाला राज्य पातळीवर मानाचा मान

मुंबई : गुन्हे अन्वेषण प्रशिक्षण विद्यालय, नाशिक येथील पोलीस निरीक्षक राजेंद्र धर्मा उशिरे यांच्या २४ वर्षांहून अधिक चाललेल्या सेवेच्या कालावधीतील उत्कृष्ट कामगिरीला राज्य पातळीवर ओळख मिळाली असून, त्यांच्यासाठी पोलीस महासंचालकांचे सन्मानचिन्ह व प्रशस्तीपत्र जाहीर करण्यात आले आहे. राजेंद्र उशिरे यांनी १ सप्टेंबर २००१ रोजी पोलीस शिपाईपदाने सेवेत दाखल होऊन आजपर्यंत २४ वर्षे,  ७ महिने व २९ दिवस या दीर्घ कालावधीत विविध घटकात उत्तम कामगिरी केली आहे. त्यांच्या सेवाकालावधीत त्यांना एकूण १०१ बक्षिसे व १३ प्रमाणपत्र/प्रशस्तीपत्रे मिळाली असून, त्यांच्या अभिलेखात अतिउत्तम कामगिरीचा दर्जा नोंदवला गेला आहे. 

उशिरे यांनी मुंबई शहर, नाशिक शहर, सोलापूर शहर, राज्य गुप्तवार्ता विभाग कोल्हापूर, पोलीस प्रशिक्षण केंद्र नागपूर व गुन्हे अन्वेषण प्रशिक्षण विद्यालय, नाशिक या विविध घटकात गुन्हे अन्वेषण व कायदा आणि सुव्यवस्था यांच्या कार्यात ओळख निर्माण केली. त्यांच्या तपासात चालणाऱ्या सत्र न्यायालयातील १० गुन्ह्यांमध्ये आरोपींना विविध कलमांतर्गत जन्मठेप, सश्रम कारावास व अन्य शिक्षा सुनावल्या गेल्या. जून २०१८ ते फेब्रुवारी २०२२ या कालावधीत राज्य गुप्तवार्ता विभागात व फेब्रुवारी २०२२ ते मे २०२५ या काळात पोलीस प्रशिक्षण केंद्र, नागपूर या घटकात त्यांनी एकूण ७ वर्षे विशेष शाखेत कार्य केले.

सध्या ते गुन्हे अन्वेषण प्रशिक्षण विद्यालय, नाशिक येथे पोलीस निरीक्षकपदावर कार्यरत असून, त्यांनी प्रोफेशनल स्किल अपग्रेडेशन, वाहतूक व्यवस्थापन, मुद्देमाल अंमलदार, क्राईम कारकून, गोपनीय अंमलदार, नगदी अंमलदार, होमगार्ड, कस्टम व पदवीधर पोलीस तपासी अंमलदार यांसाठी विशेष माहितीपुस्तिका व प्रशिक्षण सत्रे आयोजित करण्यात मोठे योगदान उचलले आहे. राजेंद्र उशिरे यांनी महाराष्ट्र राज्य पोलीस कर्तव्य मेळावा, पुणे येथे आयोजित “शास्त्रोक्त तपास” या विषयात सुवर्णपदक मिळवले. तसेच अखिल भारतीय पोलीस कर्तव्य मेळावा, मैसूर (कर्नाटक) येथे झालेल्या स्पर्धेत त्यांनी सहभाग नोंदवून राज्याची ओळख वाढवली. त्यांच्या अभ्यासातील उत्कृष्टता व बक्षिसांची रेकॉर्ड ओळख अशी आहे की, त्यांच्या सेवाकालावधीत एकही शिक्षा अभिलेखावर नोंद नाही व लक्षात असणार्या निश्चित कालावधीत त्यांना अनेक बक्षिसे व प्रमाणपत्रे मिळाली आहेत.

पोलीस निरीक्षक राजेंद्र उशिरे यांचा सेवाकाल ३१ मे २०३६ रोजी संपणार असून, अद्यापही त्यांच्याकडून गुन्हे अन्वेषण, शिक्षण व नेतृत्व या त्रिसूत्रीत उत्कृष्ट कामगिरी अपेक्षित आहे. राज्यातील सुरक्षा व्यवस्था मजबूत करण्यात अशा अधिकार्यांच्या योगदानाचे आदर्श निर्माण झाले असून, त्यांच्या पोलीस महासंचालकांच्या सन्मानचिन्हाच्या घोषणेमुळे तरुण पोलीस कर्मचाऱ्यांना प्रेरणा देणारा वारसा निर्माण झाला आहे.